Veer make de kachel aan

KÓM GENEITE VAN OS EIGE HOESKAMERKONSÈR

’t Sjlaagwirkensemble van de Phil neut uch oet veur alweier ‘t driede 𝗛𝗼𝗲𝘀𝗸𝗮𝗺𝗲𝗿𝗸𝗼𝗻𝘀𝗲̀𝗿 op 𝘇𝗮𝗼𝘁𝗲𝗿𝗱𝗶𝗴 𝟭𝟵 𝗻𝗼𝘃𝗲𝗺𝗯𝗲𝗿 vanaaf 𝟮𝟬.𝟯𝟬 𝗼𝗲𝗿𝗲. Daomit wurt ein vervolg gegaeve aan twee eerdere, suksesvolle edieses van dit konsèr en is vólges gout Zittesj gebroek ein nuuj tradiese gebaore.

 

Me heurt dees daag väöl euver energietekorte, mer aan energie is bie ’t sjlaagwirkensemble gein gebrek. Ónger ’t motto “Veer make de kachel aan” zulle veer uch eine aovend bezörge wo de muzikale klanke uch zulle verwerme en wo de energie vanaaf zal sjtraole. Dat doon veer neit allein, mer in samewirking mit sopraan Claudia Couwenbergh én de Limburgse singer-songwriter Linda Zijlmans.

 

Om d’r veur te zörge dat geer nao ’t konsèr neit te sjnel aafkuilt zörge veer nog veur eine gezèllige naozit mit gasartist Ronny Ron. Hae zal ’t vuur nog èns opsjtaoke mit zien aansjtaekelikke “Stimmungsmusik”. Zo wie ’t heurt zal os feeske in eige hoes dus neit vruig gedaon zeen.

 

De entreepries veur de aovend is EUR 10 per persoon, inclusief twee drènkskes. Hawt d’r raekening mit dat de woonkamer neit al te groot is en d’r dus ouch ein beperk aantal zitplaatsje is. Sjrief uch dan ouch flot in.

 

Veer kieke noe al oet nao eur aanwezigheid!

 

Pès dan!
Sjlaagwirkensemble Philhermenie Zitterd

MEER PROJECTEN & ACTIVITEITEN

  • Alles
  • Activiteiten
  • Harmonie
  • Opleiding & jeugd
  • Slagwerkgroep